دنيا الاحلام

لكل حلم يجول في بالك(ي)لا تتردد(ي) في التسجيل في منتدانا
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 وينكـ؟؟؟؟؟؟ ترى جانا مطر ؟؟؟؟؟

اذهب الى الأسفل 
كاتب الموضوعرسالة
((&ياحياتي&))2
×Oبنووته تدخل القلبO×
×Oبنووته تدخل القلبO×
avatar

تاريخ التسجيل : 07/12/2009
الموقع : بوسط غرفتي

مُساهمةموضوع: وينكـ؟؟؟؟؟؟ ترى جانا مطر ؟؟؟؟؟   الخميس ديسمبر 17, 2009 11:39 am




وينك ترى جانا مطر احيا شورعنا
كل الشوارع امطرت ما غير شارعنا

طشـّت سوالفنا حنين
صبـّت دفاها للحنين
وأكثر غرابيل السنين .. ما عاد تجمعنا

وينك .. ترى جانا مطر ؟؟
مرتني البارح طواري في محطات العمر

وانا من البارح
عرفتك

تحتريني من امر
مـرّيت .. بيديني عطر

و أنفاس و آهآت و كلآم
بعضي فرح بعضي خصآم

تربكني خطواتي
فيني عمر آآآتي
ان عاش يهديك العطر
وان غاب بسكاتي

يكفيه يشعرك اهتمام يا نبض اوقاتي .. !!
وينك ؟؟
ترى جانا مطر ..!!

الرجوع الى أعلى الصفحة اذهب الى الأسفل
((&ياحياتي&))2
×Oبنووته تدخل القلبO×
×Oبنووته تدخل القلبO×
avatar

تاريخ التسجيل : 07/12/2009
الموقع : بوسط غرفتي

مُساهمةموضوع: رد: وينكـ؟؟؟؟؟؟ ترى جانا مطر ؟؟؟؟؟   الخميس ديسمبر 17, 2009 11:41 am

السـلآم عيلكم ورحمة الله وبركاتـه

صباحكم / مساكم رضى وسعـاده وأمطـار

وكل عام وانتو بخـير يارب

كيف جـو الأمطار معكم .. هذا وقت التخييم وطلعات البر ..
كل شي مهيأ الجو الحلو والمطر يخلي الواحد مرووق على طوول

نويت هالسنه اني أصور أي شي بمخيمنا .. مسكت معي الا أصور
طبعا خيمنا بمخيمات الثمامه .. الكل تقريبا عارفها .. مايحتاج صور لها
طلعنا خيمنا من يوم العيد الجمعه 10 / 10 الى يوم الخميس 16 / 10 .. أسبوووع
( الصور مابين كام وجوال .. )


يوم العيد كان حرر مره ومافيه شي يستاهل التصوير
بالليل جانا مطر خفيف وماطول
لكن السبت من الصبح على 11 ونص الى 12 الجو كان غيم يخوف ..






وعلى 12 الظهر صار الجو كذا




كل المنطقه اللي حولنا كأننا وقت المغرب




بدا المطر ينزل بقووووه




وبلحظات غرقت خيمتنا كلها .. الفرشات والمساند وكل شي فيها
والعالم راحو للخيمه الثانيه وانا جلست في هذي أصور
هنا من قدام الخيمه ..




أقرب شوي
وانا أصور هنا زلقت على ظهري وطحت طيحه محترمه



وهنا المطر بدا يكثر




بعدها رحت للمطبخ بشوف قسم الرجال .. على كلامهم ماجا خيمتهم شي
أعجبني المنظر من عندهم


المهم وقف المطر شوي وجو الرجال يسوون طين وتراب حول أطراف الخيمه عشان ماتغرق زياده
الزاويه اللي ورا العمود مكاني


بعد ما اتصلو الرجال على أمن المخيم طلبو منهم تغيير للفرش .. وجت سيارة الإسعاف


وهنا الأمن الداخلي للمخيمات .. بيشوفون كمية الغرق .. والخيام اذا تسرب والا لا .. على كلامهم مسوين الخيام جديده للمنتزه كله بـ 3 ملايين و700 الف .. وبيشوفون اذا يرجعونها للشركه اللي باعتهم والا لا




شكل الغيوم والسحب متراكمه وهي مليانه وقريبه نوعا ما من الأرض .. سببت قلق للحريم



من مكان ثاني




من مكان ثالث




بدت الغيوم تروح بعد ما أمطرت وخلصت





وبعد ماوقف المطر تماما .. وخلال ماهم يغيرون الفرش رحت أسوي حركات وقلووب
وأكتب انا ووجهي , مو واضحه مره







وهذا مخيمنا من بعيد شوي بعد ما جهزوا الخيام من جديد لنا




وبعد ما استقر الوضع والحمدالله خف المطر .. صار الجو برررررررد .. أنقلب فجأه 180 درجه وهذي صورة قبل المغرب بشوي



الأيام الباقيه مانزل مطر .. بس الجو كان خيااال .. ومافيه شي يتصور الا اني قمت العب بالتراب وأحفر .. هنا الصوره طبيعيه ..
بنت عمتي تحسبها كيكه




هنا أستخدمت أكشن نظارتي الشمسيه .. خليتها على عدسة الكام وصورت
حسيت اني محترفه وانا اصورها خخخخ



بعدين جاني طلب خاص ع الجوال



M!Ss Fo0shi ( فوشي ) مشرفة منتدى الصوتيات



فكره مجنونه ( فوكآ ) مشرفة منتدى الثيمات






B r B
الرجوع الى أعلى الصفحة اذهب الى الأسفل
((&ياحياتي&))2
×Oبنووته تدخل القلبO×
×Oبنووته تدخل القلبO×
avatar

تاريخ التسجيل : 07/12/2009
الموقع : بوسط غرفتي

مُساهمةموضوع: رد: وينكـ؟؟؟؟؟؟ ترى جانا مطر ؟؟؟؟؟   الخميس ديسمبر 17, 2009 11:43 am

النشاطات

خـلآل أيام الأسبوع كان الجو الظهر حلو فيه براد .. وكانت فيه شمس
ف كنا نلعب .. مره كيرم




ومره كنكان فرنسي < بنت عمتي علمتنا عليه ..
نعرف الكنكان بس فرنسي جديد علينا والله
اللي بالوسط ورقه مكتوب عليها أسماء أوراق اللعب < والا ان جت علينا كان صارت : شجره .. قلب .. قلب وعود .. معين



وفيه ريسك بس ماصورتها

بالنسبه لنشاطات أخواتنا الكبار وعماتي
كان فيه تنافس شديد في الطبخ
ف كان أنواع الفلله

بيوم كان فيه مطبّق .. طعمه خطيير
خلص نصه وحنا نساعدهم



وبيوم كان فيه لقيمات بُـرّ
شكلها بالزيت يغررري



بعد ماخلصنا
بعضهم ياكلونها ساده وهو أحسن لآن في العجينه سكر .. وبعضهم لازم شيره أو عسل
( صوره مع التحيه لفوشي )



وبيوم كان فيه شوي



والشوي مايزين الا معه مقبلآتـه
تبوله / مخبصه / حمص / الرابعه مدري وش اسمها



وبيوم رجعنا سوينا لقيمات عاديه ماغيرها




ويوم سوينا مناقيش
طعمها خطييير .. لنا كم سنه نسويها بالبر .. طعمها هناك غير
طبعا انا طول الوقت مقابله الوجار ( مشب النار ) .. متتت حرررر ويديني صارت حمراا ..
كله يهون عشان المناقيش
الحشو كان مره ( زعتر / أجبان مشكله / خلطه حمرا كلها فلفل حااااار )




وكان وقت الغدا .. شي غير طبيعي .. بس مايمدي أجيب الكام والا الجوال الا يكونون خلصووووه
بس كان فيه مطازيز .. قرصان .. صياني مشكله
نظره سريعه للخضار





وأذكر بالفطور كان فيه حنيني .. بكل مكان حلو هالشي

خلصنا من النشاطات اللي أغلبها بلع







B r
الرجوع الى أعلى الصفحة اذهب الى الأسفل
((&ياحياتي&))2
×Oبنووته تدخل القلبO×
×Oبنووته تدخل القلبO×
avatar

تاريخ التسجيل : 07/12/2009
الموقع : بوسط غرفتي

مُساهمةموضوع: رد: وينكـ؟؟؟؟؟؟ ترى جانا مطر ؟؟؟؟؟   الخميس ديسمبر 17, 2009 11:47 am

بأخر ليله .. يوم الأربعاء رجعت تكتلات الغيوم مثل يوم السبت



وبعدين على 11 بالليل نزل علينا مطر مو قوي بس حلو للظهر من بكره .. مره وسط مره خفيف .. بس والله الجو شي .. مانمنا بس نطامر فيه










منظر المخيم من بعيد شوي




صوره قريبه للأرض والسما تمطر .. صور قطرات مطر على العدسه




وبس جا الخميس ورجعنا ..

وهذي صورة الطريق .. كل الطرق بين المخيات كلها كذا



وهذا طعس التحدي .. خلص مابقي الا شوي منه
صغير .. اول أذكره مرتفع .. الحين لآ




وبس خلصت رحلتنا


اللهم أجعلها سقيا خير ورحمه .. لا سقيا غضب وعذاب
الرجوع الى أعلى الصفحة اذهب الى الأسفل
★ الزاحف ★
×Oعضو نشيطO×
×Oعضو نشيطO×


تاريخ التسجيل : 01/01/2010

مُساهمةموضوع: رد: وينكـ؟؟؟؟؟؟ ترى جانا مطر ؟؟؟؟؟   الأحد يناير 10, 2010 10:34 am

هههههههه احلى شئ ونعم والله

امين ..
الرجوع الى أعلى الصفحة اذهب الى الأسفل
 
وينكـ؟؟؟؟؟؟ ترى جانا مطر ؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دنيا الاحلام :: رجة دنيا الأحلام :: ₪..التصوير الفوتوغرافي ..₪-
انتقل الى: